"Real Madrid" Ramos bilan nega shartnomani uzaytirmagani ma'lum bo'ldi

Madrid klubi boshqaruv doirasiga yaqin bo'lgan "RMC" jurnalisti Fred Ermel, "PSJ" himoyachisi Serxio Ramos tez orada safga qaytishiga shubha qilmoqda. 35 yoshli ispaniyalik futbolchining tizzasida muammolar bor.

"Eshitishimcha, uning tizzasi avval o'ylagandan ham yomonroq ahvolda. "Real Madrid" shu sababli u bilan shartnomani uzaytirmadi", - deydi Ermel.

Avvalroq, "PSJ" tibbiy shtabi Ramos hali o'ynay olishiga ishonmagani haqida xabar berilgan edi. Shu sababli futbolchi shifokorlar bilan janjallashib qolgan.

Eslatib o'tamiz, Ramos 2021 yil iyul oyida erkin agent sifatida Parij klubi safiga o'tgandi. Ispaniyalik jarohati tufayli jamoasi safida birorta ham o'yin o'tkazmagan.