Veretu: «Mourino «Roma» mentalitetini o'zgartirdi»

«Roma» bosh murabbiyi Joze Mourino shu hafta oxirida birinchi jiddiy sinovdan o'tadi - «bo'rilar» «Yuventus»ga qarshi maydonga tushadi.

Rimliklar yarimhimoyachisi Jordan Veretu bo'lajak uchrashuvga nisbatan ijobiy munosabatda. Uning fikricha, murabbiy tufayli futbolchilar ma'naviy jihatdan kuchli tayyorgarlikka ega bo'lishmoqda. Veretu jamoaga raqib nomi bosim o'tkazmasligi kerak deb o'ylaydi.

«Mourino «Roma» mentalitetini o'zgartirdi, u bizda doimo g'alaba qozonish istagini uyg'otgan. Mashg'ulotlarda biz uning talablarini qondirish uchun kuchliroq ishlayapmiz»,- deydi Veretu.