Millatlar ligasi final bosqichining eng chiroyli goli aniqlandi (video)

UEFA matbuot xizmati Millatlar ligasi final bosqichining eng chiroyli goli muallifini e'lon qildi.

Ushbu sovrin Frantsiya terma jamoasi huujmchisi Karim Benzemaga nasib etdi. "Real" forvardi Ispaniya terma jamoasiga qarshi final uchrashuvining 66-daqiqasida Ispaniya terma jamoasi darvozasini ishg'ol qildi.

Benzema jamoadoshi Kiliana Mbappedan uzatmani qabul qilib, jarima maydoniga yorib kirdi va olis "to'qqizlik"ni aniq nishonga oldi.

Eslatib o'tamiz, Frantsiya 10 oktyabr kuni bo'lib o'tgan Ispaniyaga qarshi o'yinda 2:1 hisobida g'alaba qozonib, musobaqa g'olibiga aylandi.