Eduard Mendining "Oltin to'p"ga da'vogarlar ro'yxatida yo'qligi irqiy kelib chiqishi bilan bog'liqmi?

Senegallik "Napoli" himoyachisi Kalidu Kulibali vatandoshi "Chelsi" darvozaboni Eduard Mendining "Oltin to'p" uchun da'vogarlar ro'yxatiga kiritilmaganidan afsusda ekanligini bildirdi.

"Edu ro'yxatga kiritilmaganligi juda achinarli. U Chempionlar ligasini yutgan birinchi afrikalik darvozabon edi. Biz ishlashda davom etishimiz va oldinga intilishimiz kerak. Yaxshi baholanishimiz uchun biz ba'zi odamlarning qilgan ishini ikki baravar bajarishimiz kerak", - dedi Kulibali.

Eslatib o'tamiz, "Oltin to'p" uchun da'vogar 30 futbolchi ro'yxatiga faqat ikkita afrikalik futbolchi - Muhammad Saloh va Riyad Mahrezlar kiritilgan.