Ronaldu terma jamoa safida eng ko'p golni Lyuksemburgga urgan

Portugaliya terma jamoasi hujumchisi Krishtianu Ronaldu JCh-2022 saralash bosqichi doirasida bo'lib o'tgan Lyuksemburgga qarshi bahsda (5:0) uchta gol muallifiga aylandi. Portugaliyalik futbolchi o'z gollarining 2tasini penaltidan urgan bo'lsa, bittasini o'yindan kiritdi.

Ronaldu faoliyati davomida Portugaliya safida eng ko'p golni aynan Lyuksemburgga urgan — 9ta. Bu borada keyingi pog'onalarni Litva va Shvetsiya egallab turibdi (7tadan gol). Andorra va Vengriya darvozabonlari Krishtianudan 6tadan gol "qabul" qilishgan.