"Milan" asosiy darvozaboni jarohat oldi

"Milan" darvozaboni Mayk Menyan bilagidan operatsiya qilinadi, deya xabar beradi jurnalist Janluka Di Martsio.

Manbaning xabariga ko'ra, frantsuz chap bilagida og'riqni boshdan kechirmoqda. Futbolchiga sog'ayishi uchun jarrohlik amaliyoti kerak bo'ladi.

26 yoshli futbolchi tahminan bir oyni o'tkazib yuborishi va noyabr oyidagi FIFA kunlaridan so'ng safga qaytishi kutilmoqda.

Eslatib o'tamiz, Menyan yozda "Lill" safidan "Milan"ga kelib qo'shilgan edi.