Og'ir atletika bo'yicha o'smirlar o'rtasidagi JChda o'zbekistonlik sportchilar 11 ta medalni qo'lga kiritdi

Saudiya Arabistonining Jidda shahri mezbonlik qilgan og'ir atletika bo'yicha o'smirlar va qizlar o'rtasidagi Jahon chempionati o'z yakuniga etdi.

Musobaqada o'zbekistonlik sportchilar 4 tadan oltin va kumush hamda 3 ta bronza, jami 11 ta medalga ega bo'ldi. Bu natija bilan delegatsiya umumjamoa hisobida faqat Rossiya terma jamoasidan ortda qolgan holda Tailand bilan birgalikda 2 va 3-o'rinni egalladi.
O'smirlar o'rtasidagi jahon chempionatida g'olib va sovrindor bo'lgan o'zbekistonlik sportchilar quyidagilar:

-96 kilogramm: Qurbonmurod Nomozov – 3 ta oltin;
-73 kilogramm: Diyor Ermatov – 1 ta oltin:
-71 kilogramm: Nigora Suvonova – 3 ta kumush;
-55 kilogramm: Ozoda Hojieva – 1 ta kumush, 1ta bronza;
-61 kilogramm: X.Matrasulov – 1 ta bronza;
-71 kilogramm: Sevinch Komilova – 1 ta bronza.