Messiga «Atletiko»dan qo'ng'iroq bo'lganmi?

«Atletiko» bosh murabbiyi Diego Simeone Lionel Messining «Atletiko»ga transferi bo'yicha o'tkazilgan muzokaralar haqidagi ma'lumotlarga izoh berdi.

«Men sizga hammasi qanday bo'lganini batafsil aytib beraman. O'zaro hurmatimiz tufayli Messiga o'zim qo'ng'iroq qilmadim, lekin Luis Suaresdan shunday qilishni so'raganman.

Men undan Leoning «Atletiko»ga o'tish ehtimoli qandayligini bilishni xohlardim. Ammo tez orada «PSJ» ushbu transferni rasman e'lon qildi.

Agar siz Messi qaerda o'ynashi kerakligini so'rasangiz, men bunga javob bera olaman. U g'alaba qozonish ko'rsatkichi yuqori bo'lgan jamoada o'ynashi kerak», - deydi Simeone.