«Nyukasl» «short-listi»da 5 murabbiy nomzodi bor

Daily Mail tabloid nashri jurnalistlari «Nyukasl» bosh murabbiyligiga nomzodlar ro'yxatini tuzishdi. Ro'yxatga beshta mutaxassis kirgan: Paulo Fonseka, Brendan Rojers, Lusen Favr, Stiven Jerrard va Grem Potter.

Avvalroq, «qarg'alar» murabbiylik lavozimiga ustuvor nomzod italiyalik Antonio Konte ekani xabar qilingandi. Mutaxassis taklif oldi, lekin Antonio rad etdi.

Hozirda jamoani Stiv Bryus boshqaradi. Angliya Premer -ligasining 7-turidan so'ng, jamoa turnir jadvalida so'nggi o'rinni egallab turibdi. «Nyukasl» hisobida atigi uch ochko bor.