Mauro Ikardi va Aaron Remzi «Nyukasl»ga o'tmaydigan bo'ldi

Angliyaning «Nyukasl» klubi futbolchilar Mauro Ikardi va Aaron Remzi uchun shartnoma taklif qilmaydi. Bu haqda jurnalist Fabritsio Romano o'z tvitteridagi sahifasida xabar berdi.

Manbaning yozishicha, Ikardining yaqin bir necha oyda «PSJ»ni tark etish niyati yo'q va Remzi o'z kelajagi haqida 2021 yilning dekabrida yoki 2022 yilning yanvarida qaror qabul qiladi.

Ikardi 2019 yilda «Inter» dan 50 million evroga sotib olish sharti bilan «Pari Sen-Jermen»ga o'tdi. Transfermarkt portali ma'lumotlariga ko'ra, Ikardining bozor qiymati 35 million evroni tashkil qiladi. Hujumchining «PSJ» bilan shartnomasi 2024 yil 30 iyungacha tuzilgan. .

Remzi 2019 yilda «Arsenal»dan «Yuventus»ga o'tgandi. Futbolchining Turinliklar bilan shartnomasi 2023 yilning 30 iyunigacha amal qiladi.