«Roma» va «Napoli» «Ayaks» etakchilaridan biri uchun kurash olib boradi

«Roma» va «Napoli» «Ayaks»ning marokashlik yarim himoyachisi Nussair Mazrauiga qiziqish bildirmoqda, deb yozadi jurnalist Nikolo Shkira o'z tvitterida.

Manbaga ko'ra, Italiya klublari yozgi transferlar vaqtida futbolchini sotib olish variantini ko'rib chiqmoqda va futbolchining agenti Mino Rayola bilan muzokaralarni boshlab yuborishgan.

Joriy mavsumda 23 yoshli Mazraui «Ayaks» tarkibida barcha turnirlarda 11 ta o'yinda maydonga tushib, 4 ta gol urdi va 3 ta golli uzatmani amalga oshirdi. Uning klub bilan shartnomasi 2022 yilning yozigacha amal qiladi.