«Liverpul» Belgiya chempionatidan futbolchi xarid qilmoqchi

«Bryugge» klubi yarimhimoyachisi Charlz de Ketelar tez orada «Liverpul» futbolchisiga aylanishi mumkin, deya xabar beradi Sky Sports nashri. Manbaga ko'ra, 20 yoshli futbolchiga mersisaydliklar bosh murabbiyi Yurgen Klopp qiziqish bildirmoqda.

Joriy mavsum doirasida Charlz 4 ta gol va 3 ta golli uzatmani amalga oshirdi. Ketelarga «Liverpul» dan tashqari «Napoli» ham qiziqish bildirmoqda.

Yarimhimoyachi 25 million evroga baholanmoqda va uning Belgiya klubi bilan amaldagi shartnomasi 2023 yilgacha mo'ljallangan.