Enrike Frantsiyaga uchralgan mag'lubiyatdan keyin matbuot anjumanida qatnashdi
/ Kiritdi: BestMaster Ko'rilgan: 166
Ispaniya terma jamoasi bosh murabbiyi Luis Enrike Frantsiya terma jamoasiga mag'lub bo'lganidan (1:2) keyin o'z fikrlarini bildirdi.
Kimga qarshi yoki qanday holatda o'ynashimizdan qat'i nazar har doim o'z uslubimizda o'ynashga - jasurlik, maqsadli hujumga o'tish bilan intilamiz. Shunday ekan, bu oqshom mag'lubiyat alamidan emas, balki qayg'u hissi bilan yodda qoladi. Chunki, biz juda ham yaxshi raqobat qila oldik.
Biz ajoyib va bizni qo'llab-turgan muxlislarimiz uchun sovg'a qilishni juda ham istagandik.
Nafaqat Evropa chempionlarini mag'lubiyatga uchratdik, shuningdek amaldagi jahon chempionlari bilan tengma-teng kurash olib bordik. O'z ustunligimiznni uzoqroq vaqt saqlab qolishimiz lozim edi. Golni nishonlashni endi tugatganimizda, ular dahshatli gol bilan hisobni 1:1 ko'rinishiga keltirishdi.
Tan olish kerak, Oyarsabal uchrashuvning 64-daqiqasida hisobni ochgan bo'lsa, oradan 107 soniya o'tib, Karim Benzema muvozanatni tikladi.
"Dastlabki daqiqalar bizga qimmatga tushdi. Frantsiya yuqori bosim qildi va shu bilan tartibli bo'ldi. Keyinchalik ikkinchi bo'limda hammasi bizning nazoratimizga o'tdi. Futbolning adolatsizligi shundaki, 1-0 bo'lib turgan paytda Frantsiyani nokautga uchratish imkoniyatiga ega bo'lgandik, ammo Benzema jamoasini qutqarib qoldi", - dedi ispaniyalik mutaxassis.
Ispaniya termasi hujumchisi Mikel Oyarsabal ham o'z fikrlari bilan o'rtoqlashdi.
Biz yuqori o'yin namoyish etdik deb o'ylayman. Raqib jamoa esa bizdan ham sifatli ikkita gol yuzaga keltirdi. Bu bizning g'alabamiz qo'ldan chiqqan vaziyat! O'z imkoniyatlarimizga ega bo'lgandik, ammo Lorisning seyvlari jamoasini qutqarib qoldi. O'yin davomida qattiq mehnat qildik va bu erda nima qilgan bo'lsak, faxrlanishimiz lozim.
Bu musobaqada qilgan ishlarim Ispaniya terma jamoasi uchun yana o'ynash imkoniyatini beradimi, bilmayman. Lekin, har doim milliy terma jamoa bilan bo'lganimda, o'zimdagi hammasini berishga harakat qilaman. Endi yana klubga qaytish va termadagi o'rinni saqlab qolish uchun munosib o'ynash kerak bo'ladi.
Bosh sahifaga
198