"MYu" sardori bilan 5 yillik shartnoma imzolamoqchi

"Manchester Yunayted" jamoa sardori Xarri Maguayr bilan shartnomani uzaytirmoqchi, bu haqida Angliyaning "The Sun" nashri ma'lum qildi.

Manbaning xabariga ko'ra, ingliz klubi futbolchi bilan yangi 5 yillik shartnoma borasida muzokara olib bormoqda. Shuningdek, shartnomada "Qizil iblislar" rahbariyati himoyachining maoshini haftasiga 220 ming evrodan 350 ming evrogacha oshirishi ko'zda tutilgan.

Eslatib o'tamiz, futbolchi "Manchester" safida 2019 yilning yozidan buyon harakat qiladi. Joriy mavsumda u jamoa safida 6ta o'yin o'tkazdi.