Ronaldu: «181 uchrashuv - faxrlanish uchun 181 sabab!»

Portugaliya terma jamoasi hujumchisi va sardori Krishtianu Ronaldu o'rtoqlik uchrashuvida Qatarni (3:0) mag'lub etib, yangi rekord qayd etdi.

«Rekord qayd etish doimo yoqimli. 181 uchrashuv - faxrlanish uchun 181 sabab! 46 ta davlatga urilgan gollar men tasavvur qila olmagan narsadir», - deb yozdi Ronaldu o'z tvitteridagi sahifasida.

Portugaliyalik hujumchi Qatar darvozasiga kiritgan goli, futbolchi gol urgan 46-mamlakat bo'ldi va hali hechkim bunday natija qayd etmagan. Shuningdek, portugaliyalik terma jamoa safida 181ta uchrashuv o'tkazib, milliy jamoa safida eng ko'p o'yin o'tkazgan futbolchiga aylandi.