Karlo Anchelotti: «Skudettio qo'ldan chiqdi. Maqsad — Evropa ligasida oxirigacha borish»

«Napoli» bosh murabbiyi Karlo Anchelotti Evropa ligasi nimchorak final bosqichi doirasida bo'lib o'tgan «Zaltsburg»ga qarshi bo'lib o'tgan o'yindan keyin o'z fikrlari bilan o'rtoqlashdi.

«O'yin boshidan o'z darvozamiz oldida "yotib" olmaslik — asosiy vazifamiz edi. Bu borada rejamiz ish berdi ("Napoli" 14-daqiqada hisobni ochdi). Chorak finalni intizorlik bilan kutamiz. Ammo bu bosqich qiyin bo'ladi.

O'yinga katta ishtiyoq bilan yondoshgandik. Ammo keyinchalik o'yinga qaytishimiz qiyin kechdi. Birinchi o'yindagi 3:0 hisobi javob bahsi so'ngida o'zimizni erkinroq his qilishga yordam berdi.

Maqsadimiz — Evropa ligasida oxirigacha borish. A seriyadagi holatimiz esa unchalik yaxshi emas («Napoli» «Yuventus»dan 18 ochko ortda qolmoqda).

«Sassuolo»ga qarshi o'yinda ochko yo'qotdik (1:1). Shu bois, Skudetto deyarli qo'ldan chiqdi. Shunga qaramay, ikkinchi o'rinni saqlab qolishimiz kerak», – dedi Anchelotti.