«Barselona» «Milan» futbolchisini tekinga qo'lga kiritmoqchi

Todofichajes nashri so'zlariga ko'ra, «Barselona» «Milan» yarimhimoyachisi Frank Kessiga qiziqish bildirmoqda. Kot-d'Ivuarlik futbolchining «qizil-qoralar» bilan amaldagi shartnomasi 2022 yilning iyunida tugaydi. Yarimhimoyachiga «ko'k-anorranglilar»dan tashqari «PSJ», «Liverpul» va «Manchester Yunayted» jamoalari qiziqish bildirishgan.

Manbaning xabariga ko'ra, «Barselona» Kessini tekinga qo'lga kiritmoqchi, chunki moliyaviy muammolar tufayli transferlar uchun katta mablag' ajratolmaydi.

Transfermarkt 24 yoshli futbolchini 55 million evroga baholamoqda.