«PSJ» sport direktori: «Real» bu uchun jazolanishi kerak»

«PSJ» sport direktori Leonardo parijlik hujumchisi Kilian Mbappeni o'ziga jalb qilmoqchi bo'lgani uchun «Real»ni jazolash kerakligini e'lon qildi.

«Real Madrid» albatta, hamma narsani inkor etishadi, lekin men ishonamanki, ular Mbappeni erkin agent sifatida sotib olishga uzoq vaqtdan beri urinishmoqdan. Bu klub ikki yildan buyon ochiqchasiga Kilian haqida gapiradi. Bu uchun Madrid klubi jazolanishi kerak. Menimcha, bu Mbappaga nisbatan hurmatsizlik. U boshqa futbolchi emas, u dunyodagi eng yaxshilaridan biri. «Real» murabbiylari, rahbariyati va futbolchilari doimo Kilian haqida gapirishadi. Menimcha, bu rejaning bir qismi. Bu hurmatsizlik», - deya Leonardoning so'zlarini keltiradi La Gazzetta dello Sport nashri.

2021/22 yilgi mavsumda Mbappe «PSJ» safida 11 ta o'yinda maydonga tushib, 4 ta gol va 5 ta golli uzatmani amalga oshirgan. Transfermarkt.com portali 22 yoshli frantsuzning transfer narxini 160 million evroga baholamoqda, uning parijliklar bilan shartnomasi 2022 yil iyun oyining oxirigacha amal qiladi. Avvalroq, «Real» hujumchini sotib olish niyati borligi haqida bir necha bor xabar berilgandi.