«Roma»dan, «Manchester Yunayted»gacha. 2020/21 yilgi mavsumda transfer uchun katta pul sarflagan jamoalar (top-10)

Yozgi transfer oynasi allaqachon yopilgan, biroq hali hamma natijalar sarhisob qilinmagan. Mutaxassislar ko'plab klublar qiyin davrni boshidan kechirayotgani sababli, ko'p sonli transferlar amalga oshmasligini Ammo, shunga qaramay o'tgan yozda bir qancha katta xaridlar amalga oshiirildi. Shu sababli, «Stadion.uz» nashri esa o'tgan transfer bozorida eng ko'p xarajatga ega bo'lgan 10 ta klub haqida ma'lumot beradi.

«Vest Xem» (74,5 million evro)

«Vest Xem» o'tgan mavsumda juda yaxshi o'yin ko'rsatishdi. «Bolg'achilar» APL turnir jadvalida 6-o'rinni egallab, Evropa Ligasiga yo'l olishdi. Mavsum turnir jadvalida «Vest Xem»dan ortda qolgan «Tottenxem», «Arsenal» va «Everton»ga qaraganda yaxshiroq yakunladi. Ammo raqobatbardoshlikni saqlab qolish uchun «bolg'achilar» tarkibni kuchaytirishga muhtoj edi. Natijada, London klubi o'z safiga beshta yangi futbolchini qo'shib oldi. «Vest Xem» yarimhimoyachi Nikola Vlashich (TsSKA; 30 mln evro), himoyachilar Kurt Zuma («Chelsi», 35 mln evro) va Kreyg Douson («Uotford», 2.3 mln evro). Darvozabon Alfonso Areola («PSJ», 2 mln evro) va yarimhimoyachi Aleks Kral («Spartak», 5,20 mln evro) London klubiga o'tdi. Eslatib o'tamiz, «bolg'achilar» «Latsio»ga qanot himoyachisi Felipe Andersonga sotib, 3 mln evro ishlab topishgan.

«Renn» (79,5 million evro)

«Renn» asosiy futbolchisidan ayrildi. Klub etakchisi Eduardo Kamavinga «Real»ga o'tdi. Shu bilan birga, «qizil-qoralar» 7ta yangi futbolchi bilan shartnoma imzoladi. Himoyachilar Birger Meling («Nim», 3 mln evro) va Loik Bad («Lens», 17 mln evro), darvozabon Dogan Alemdar («Kayserispor», 3,5 mln evro), yarimhimoyachilar Lovro Mayer («Dinamo Zagreb», 12 mln evro») va Baptiste Santamariya («Frayburg», 14 mln evro), vinger Kamaldin Sulemana («Nordjalland», 15 million evro) va hujumchi Gaetan Laborde («Monpele», 15 million evro). Ko'rinishidan, «Renn» yana Evropa musobaqalarida qatnashmoqchi. Mazkur xaridlar «qizil-qoralar»ga foyda keltiradim, mavsum oxirida barchasiga guvoh bo'lamiz.

«PSJ» (83 million evro)

O'tgan yozda «PSJ» uch futbolchi uchun 83 million evro sarflagan. Parijliklar himoyachi Ashraf Hakimi («Inter»; 60 mln evro) bilan shartnoma imzoladi, himoyachi Nuno Mendesni («Sporting», 7 mln evro) ijaraga oldi va yarimhimoyachi Danilo Pereyrani (16 mln evro) «Portu»dan sotib oldi. Qolaversa, Frantsiya vitse-chempionlari to'rt nafar erkin agent maqomidagi futbolchi bilan shartnoma imzoladi. «PSJ» darvozabon Janluiji Donnarumma, himoyachi Serxio Ramos, yarimhimoyachi Jorjino Veynaldum va hujumchi Lionel Messini qo'lga kiritdi. Parijliklar transfer bozorida ajoyib ishlarni amalga oshirib, ko'plab yulduz futbolchilarni bir jamoaga birlashtirdilar. Bu futbolchilar bir jamoada qanday til topishishadi - bu boshqa savol.

«Roma» (98 million evro)

Joze Mourinoni jamoaga taklif qilgan holda, «Roma» rahbariyati transfer bozorida jiddiy xarajatlarga tayyorgarlik ko'rishlari kerak edi. Natijada, «bo'rilar»ning amerikaliklar xo'jayinlari tarkibni kuchaytirish uchun deyarli 100 million evro ajratdi. Darvozabon Rui Patrisio («Vulverxempton»; 11,5 mln evro), himoyachilar Brayan Reynolds («Dallas», 6,75 mln evro), Rojer Ibanez («Atalanta» 9 mln evro) va Mattias Vinya («Palmeyras»; 13 mln evro), shuningdek, hujumchi Eldor. Shomurodov («Jenoa»; 17,5 mln evro) va Temmi Abraxam («Chelsi», 40 mln evro). Italiyaliklar oxirgi paytlarda futbolchilarni ijaraga olishni afzal ko'rishmoqda, biroq «bo'rilar»ning barcha transferlari to'laqonli. Mourinoda yulduzli jamoa yo'q, lekin u sovrinlar uchun kurashadigan juda kuchli tarkibga ega.

«Aston Villa» (100 million evro)

«Aston Villa» o'z sardori Jek Grilishni jamoada olib qola olmadi, lekin ular futbolchini «Manchester Siti»ga katta summaga sotish orqali, yaxshigina daromad ko'rishdi. Ya'ni, 117,5 million evroga Grilish «Siti» futbolchisiga aylandi. O'z navbatida, «Aston Villa» ham 100 millionlik uchta yangi xaridni amalga oshirdi.  Qanot himoyachilari Emiliano Buendiya («Norvich», 38,4 mln evro) va Leon Beyli («Bayer», 32 mln evro), shuningdek, hujumchi Denni Ingz («Sautgempton»; 29,42 mln evro) Birmingemga yo'l olishdi. Bundan tashqari, «sherlar» himoyachi Eshli Yangni erkin agent sifatida jamoaga qo'shib olishdi. Qolaversa, himoyachi Aksel Tuanzebeni «Manchester Yunayted»dan tekinga ijaraga oldi. Grilishning ketishi «Aston Villa» uchun katta yo'qotish, lekin jamoa yaxshi futbolchilar orqali jamoani  yanada mustahkamladi, shuning uchun Birmingem klubidan yaxshi natijalarni kutish mumkin.

«Leyptsig» (108 million evro)

O'tgan yozda «Leypsig» uchta jiddiyga uchradi. Himoyachilar Ibrohima Konate va Dayo Upamekano, shuningdek yarimhimoyachi Marsel Zabitser «buqalar»ni tark etishdi. Qolaversa, oxirgi ikkisi ham raqobatchi - «Bavariya»ga transfer qilindi. Ammo, «Leyptsig» ham tarkibni yaxshi kuchaytira oldi. «Buqalar» ilgari ijaraga olingan himoyachilar Benyamin Xendriks (Monako; 15 mln evro) va Anxelino (Manchester Siti; 18 mln evro)ni sotib oldi, shuningdek, himoyachi Muhammad Simakan («Strasburg»; 15 mln evro) va Joshko Gvardiola («Dinamo Zagreb»; 18,8 mln evro) bilan shartnoma imzoladi. Bundan tashqari, yarim himoyachilar Ilaysh Moriba («Barselona»; 16 mln evro) va Kaden Klark («Nyu-York Red Bulls»; 1,82 mln evro), shuningdek, hujumchilar Andrea Silva («Ayntraxt»; 23 million evro) va Brayan Brobi («Ayaks», erkin agent) . Ha,«Leyptsig» yo'qotishlar o'rnini to'ldirdi. Klub ushbu mavsum ham yaxshi natijalar ko'rsata oladimi? Keling, buni mavsum so'ngida sarhisob qilib ko'ramiz.

«Chelsi» (120 mln evro)

«Chelsi» atigi ikkita yangi futbolchi bilan shartnoma imzoladi, bu ularga 120 million evroga tushdi. «Aristokratlar» hujumchi Romelu Lukaku uchun «Inter»ga 115 million evro to'ladi va yarim himoyachi Saul Nigezni «Atletiko»dan 5 million evroga ijaraga oldi. Bu safar London klubi ko'plab transfer amalga oshirmadi, leki sotib olgan ikki futbolchisi ham sifatli o'yin ko'rsatishi aniq. Belgiyalik allaqachon «ko'klar» safida o'z o'yinini namoyish etib, ketma-ket uchrashuvlarda gol kiritdi. Lekin, ispan futbolchisi hali londonliklar safida hali maydonga tushmadi. Qolaversa, «Chelsi» «Fulxem»ning sobiq darvozaboni Markus Bettinellini ham erkin agent sifatida tarkibga qo'shib oldi, ammo bu shartnoma katta yutuq deb bo'lmaydi. Sababi, London klubi darvozasida iqtidorli kiperlar etarlicha.

«Manchester Siti» (127,5 million evro)

«Shaharliklar» ham o'tgan yozda juda ko'p futbolchi bilanshartnoma imzolashmagan. Shunga qaramay, «Manchester Siti» 127,5 million evro sarfladi. Klubning asosiy xaridi Jek Grilish edi, ular futbolchi uchun «Aston Villa»ga 117,5 million evro to'lashdi. Bundan tashqari, inglizlar «Fluminense» vingeri Kaykani 10 millionga sotib olishdi, ammo futbolchi yanvarda manchesterliklar safiga qo'shiladi va darvozabon Skott Karsonni erkin agent sifatida ortga qaytarib oldi. Shu bilan birga, «Manchester Siti» hech qachon markaziy hujumchini ololmadi. Ba'zida Xosep Gvardiola jamoasida hujumda katta muammolar bo'ladi, lekin mutaxassis qo'lida gol ura oladigan ko'plab futbolchilar bor. Ehtimol, yanvar oyida «shaharliklar» hujumchi sotib olishga urinib ko'rishar?!

«Manchester Yunayted» (140 mln evro)

«Manchester Yunayted» «PSJ» bilan birga yozgi transfer oynasining asosiy qahramonlaridan biriga aylandi. «Yunayted» birdaniga 3 ta mashhur futbolchi bilan shartnomani tuzdi. Mankunianliklar himoyachi Rafael Varan («Real», 40 mln evro) va qanot hujumchisi Jeydon Sancho («Borussiya», 85 mln evro) bilan shartnoma imzoladilar va hujumchi Krishtianu Ronaldu («Yuventus», 15 mln evro) va darvozabon Tom Xitonni («Aston Villa», erkin agent) qaytarishdi. ) «Old Trafford»ga qaytarishdi. «Manchester Yunayted» hozirda nafaqat Angliyada, balki butun Evropadagi eng yaxshi tarkibga ega. Mankunianliklar barcha turnirlarda sovrinlar uchun kurashishlari shart. Amalda qanday bo'lishini vaqt ko'rsatadi. Hozircha «Yunayted» mavsum boshida 4 g'alaba, 2 durang va 1 mag'lubiyat qayd etdi.


«Arsenal» (165,6 million evro)

Ajablanarlisi shundaki, Premer-ligadani eng yomon boshlagan jamoa o'tgan yozda eng ko'p xarajat qilgan. «Arsenal» mavsum boshida o'tkazilgan 3 o'yinda ham mag'lubiyatga uchradi va bitta gol ham ura olmadi. Ular boshida Premer-liga turnir jadvalining so'nggi, 20 -pog'onasini band etishdi. Ammo, oxirgi uchrashuvlardagi 3 g'alaba va 1 durang londonliklarni yana yuqoriga qaytishga imkon berdi. Shu bilan birga, «kanonirlar» tarkibni kuchaytirish ustida faol ish olib borishdi. Darvozabon Aaron Ramsdeyl («Sheffild Yunayted»; 28 mln evro), himoyachilar Nunu Tavaresh («Benfika»; 8 mln evro), Takexiro Tomiyasu («Bolonya»; 18,6 mln evro) va Ben Uayt («Brayton»; 50 mln evro), shuningdek yarimhimoyachilar Sami Lokonga. («Anderlext»; 17,5 mln evro) va Martin Edegor («Real», 58,5 mln evro). Shu bilan birga, «Arsenal» hujumchi Folarin Baloganni jamoaga taklif qildi. «Kanonirlar» eng qisqa vaqt ichida raqobatbardosh bo'lishi kerak bo'lgan yosh jamoani tuzishmoqda. Keling, Mikel Arteta nima qila olishini mavsum so'ngida ko'rib chiqaylik.


Jamshidjon Mahmudov tayyorladi.