«Paxtakor» yangi futbolchilarin tanishtirdi (FOTO)

"Paxtakor" safiga kelib qo'shilgan 8 nafar futbolchi Superligadagi mavsum boshlanishi arafasida tanishtirildi.

Yangi mavsum oldidan "Sherlar" safiga 8 nafar futbolchi kelib qo'shildi. Sanjar Quvvatov, Akram Komilov, Sardor Sobirxo'jaev, Dostonbek Hamdamov, Odil Hamrobekov va Sadriddin Abdullaev jamoamiz bilan ikki yillik shartnomaga imzo chekishgan bo'lsa, Marat Bikmaev shu yil oxirigacha "Paxtakor" a'zosiga aylandi. Javohir Sidiqov esa "Qo'qon-1912"dan bir mavsumga ijaraga olindi.

Ushbu futbolchilar "Paxtakor" stadionida klub akademiyasining 2010 yilda tug'ilgan tarbiyalanuvchilariga qarshi maydonga tushishdi. Sarvar Haydarov murabbiylik qilayotgan jami 20 nafar tarbiyalanuvchi asosiy tarkib vakillariga qarshi bellashuvda ishtirok etib, o'z kumirlari bilan raqib sifatida to'p tepish imkoniyatiga ega bo'lishdi.

O'yin yakunlangach, yangi futbolchilar o'z liboslari bilan kichik fotosessiyada ishtirok etishdi. Bundan tashqari, yurtimiz shou-biznesi yulduzlaridan biri DJ Piligrim "Paxtakor"ga bag'ishlangan yangi qo'shig'ini klub bosh direktori Dmitriy Adismanga taqdim etdi.