Desham Ispaniya terma jamoasiga qarshi o'yindan oldin matbuot anjumanida qatnashdi

Frantsiya terma jamoasi bosh murabbiyi Dide Desham Millatlar Ligasining Ispaniyaga qarshi hal qiluvchi o'yini oldidan o'z fikrlarini bildirdi.

"Aminmanki, Ispaniya himoyada 4 nafar o'yinchi bilan harakat qiladi va hozirgi tarkibimizdan afzallik hamda kamchiliklarni taroziga qo'yishim kerak. Ular Italiyaga qarshi ko'proq 4-4-2 sxemasi asosida o'ynashdi.

Orqadagi uchlik faqat himoya ishlari bilan shug'ullanmaydi. Bu raqib mudofaasiga xavf soladigan hujumkor blokni yaratishga ham imkon beradi. Bundan tashqari maydon markazida kengroq o'ynash mumkin".

Desham Grizmanning terma jamoa safidagi 100-o'yini haqida ham to'xtalib o'tdi: Uzoq vaqt safda bo'lish faqat o'yinlar soniga qarab baho berilmaydi. Uning samaradorligi, urgan gollari va yuzaga keltirgan xavfli vaziyatlariga qarang. Baxtimizga u jarohatdan holi qoldi va bu davom etishiga umid qilaman. U biz uchun juda yaxshi o'yin namoyish etadi.

Desham Pogba haqida: Polga himoyaviy majburiyatlarni bermoqchi emasman. U butunlay hujumkor yarim himoyachi va o'yinda o'zgarish qila oladi. Ammo, u shuningdek himoyada ham soz o'ynay oladi.

Desham Ispaniya terma jamoasi himoyachisi Emerik Laport haqida: U bilan gaplashishga imkonim bo'lmadi. U uchun xursandman. U Evroda o'ynadi. U biz bilan edi, endi esa Ispaniya uchun o'ynaydi. Bu uning tanlovi va buni hurmat qilaman. Hatto bizning yo'llarimiz ertaga kesishsa ham, bu uning tanlagan yo'li.

"Ispaniyani to'pdan mahrum qilishning iloji yo'q. To'pga egalik qilish ularning qonida bor. Siz bosim o'tkaza olasiz, ammo faqat oldin bo'lgani kabi emas. Ular hatto bosim ostida bo'lishsa ham, bundan chiqib keta olishadi. Ular shuningdek, Italiya bilan o'yinda to'pni yo'qotishganda yaxshi bosim o'tkaza olishdi.

Eng yaxshi tasalli - bu g'alaba. Yarim final oqshomida ko'plab o'yin-kulgu va xursandchilik bo'ldi. Bu ertasi kuni ham a'lo kayfiyatda bo'lishimizni bildirardi. Bu hammaga ishonch berdi. Biz ko'rsatgan sifatdan tashqari, shuningdek ruhiy kuchimizni ham namoyish etdi.

Ispaniya o'z o'yin sifatini saqlab qoldi. Bizning tajribamiz ko'proq, lekin bu bizga hech qanday kafolat bermaydi. Biz u erga borib sovrinni qo'lga kiritishimiz uchun barcha to'g'ri ingredientlarga ega bo'lishimiz kerak", - dedi Desham.

Manba: uefa.com