Benzema: «Sherif» ikkita zarba yo'llagan bo'lsa ham, g'alaba qozondi»

«Real» hujumchisi Karim Benzema «Sherif Tiraspol» bilan Chempionlar Ligasidagi guruh bosqichi doirasidagi o'yin haqida gapirdi. Xabaringiz bor, «Sherif» «Santyago Bernabeu»da sensatsion tarzda «Real»ni mag'lub etdi  (2:1).

«Biz bu o'yinni esdan chiqarishimiz kerak. «Sherif» yaxshi o'ynadi. Garchi, darvozaga atigi ikki marta zarba berishgan bo'lsa-da, ular bu muvaffaqiyatga loyiq edi. Bu o'yinda biz 30 dan ortiq vaziyat yaratdik. Biz xulosa chiqardik. «Real» har bir uchrashuvni favorit maqomida boshlaydi, ammo bu maqomni amallar bilan muntazam ravishda kuchaytirish kerak», - deydi frantsuz.