Totti: «Roma»dan boshqa yana bir klubda o'ynashim mumkin edi»

«Roma» afsonasi Franchesko Totti o'z faoliyatini esladi. Imperator «bo'rilar»ni tark etishga rozi bo'ladigan yagona klub nomini aytdi.

«Faoliyatim davomida menga ko'plab takliflar kelgan, lekin men doim rad etganman. Men o'tishi mumkin bo'lgan yagona klub bu «Real». Bu men uchun katta qiyinchilik bo'lardi. Ammo mening yuragim «Roma»ga tegishli», - deya Tottining so'zlarini keltiradi Football-Italia nashri.  

Totti - «Roma» tarbiyalanuvchisi. Hujumchi butun futbolchilik faoliyatini Rim jamoasida o'tkazdi. U 1992 yildan 2017 yilgacha «bo'rilar» sharafini himoya qilgan. Italiya chempionatida Franchesko 619 ta o'yin o'tkazgan va 250 ta golni o'z hisobiga yozdirib qo'ygan.