"Real"ning kelasi mavsum uchun asosiy "nishoni" ma'lum

"Chelsi" himoyachisi Antonio Ryudiger faoliyatini Ispaniyada davom ettirishi mumkin, bu haqida "ABC" nashri xabar berdi.

Ma'lumotlar ko'ra, 28 yoshli Nemis futbolchisiga "Real Madrid" da'vogarlik qilmoqda, klub himoyachini keyingi yil uchun asosiy transfer maqsadi qilib qo'ygan. Futbolchining London klubi bilan amaldagi shartnomasi 2022 yilning yozida yakuniga etadi.

Ryudiger joriy mavsum "aristokratlar" safida 10ta o'yinda maydonga tushib, 1 gol urdi va 4ta sariq kartochka ishlab oldi. Transfermarkt portali futbolchining qiymatini 35 million evroga baholamoqda.