Kuman maydon markazini kuchaytirish niyatida. Ro'yxatda kimlar bor?

«Barselona» bosh murabbiyi Ronald Kuman jamoaning markaziy chizig'ini imkon qadar kuchaytirishga harakat qilib ko'radi.

Niderlandiyalik mutaxassis bu borada bir qator o'yinchilar  bilan shartnoma imzolashni maqsad qilgan.

Diario Sport xabariga ko'ra, «Barselona»ning qiziqishlari doirasidan «Tottenxem» a'zosi Tanguy Ndombele, «Inter»dan Marselo Brozovich hamda «Milan» xavbeki Frank Kessilar joy olgan.

Shuningdek, kataloniyaliklar «Manchester Yunayted»dan Donni van de Bekga ham qiziqish bildirmoqda. Garchi u biroz boshqacharoq uslubda o'ynasa ham Kuman uni o'z jamoasiga moslashtirishga harakat qilib ko'radi.