«Barselona»da Martines variantiga munosabat qanday bo'ldi?

Kataloniyaning Esport3 telekanali xabariga ko'ra, klub prezidenti Joan Laporta boshchiligidagi rahbariyat o'tgan hafta Ronald Kumanni iste'foga chiqarish variantlarini muhokama qilgan edi.

Yig'ilishda Belgiya terma jamoasining amaldagi bosh murabbiyi Roberto Martines «Barselona» bosh postiga eng yaxshi nomzod emasligi to'g'risida qaror qabul qilindi.

Ma'lumotlarga ko'ra, Laportaning sport ishlari bo'yicha maslahatchisi Yordi Kroyff ispaniyalik mutaxassis bilan yaxshi munosabatlariga qaramay, Martines xizmatlaridan voz kechishga majbur bo'lgan.

Bundan biroz oldin esa Laportaning shaxsan o'zi Kumanga ishonch bildirishi haqida alohida ta'kidlagan edi.