Laporta: «Biz Xavi va Gvardiola bilan o'zaro do'stlarmiz»

«Barselona» bosh murabbiyi Ronald Kuman Kataloniya klubini boshqarishda davom etadi.

Bu haqda klub prezident Joan Laporta ma'lum qildi. Rahbariyat gollandiyalik mutaxassisga to'liq ishonadi.

«Biz Xavi bilan tez-tez muloqot qilib turamiz, chunki biz o'zaro do'stlarmiz. Biz Gvardiola bilan ham xuddi shunday gaplashamiz. Biroq bu yangi lavozim borasida aniq narsalarni bildirmaydi.

Kuman - «Barselona» faxri. Biz murabbiyimizga, uning qobiliyatiga ishonch bildirishimiz kerak. Hozirgi vaziyatni o'zgartirish va natijalarni yaxshilash kerak.

Men hech qachon «Barselona»ga Kuman kerak emas deb aytmaganman. U bizning ishonchimizni oqladi. Hozirgi vaqtda bu eng yaxshi echim. Biz Kuman bilan oxirigacha birga bo'lamiz», deydi Laporta.