"Arsenal"ning sentyabr oyidagi eng yaxshi futbolchisi kimligi ma'lum

Sentyabr oyida himoyachi Takexiro Tomiyasu "Arsenal"ning eng yaxshi futbolchisi deb topildi.

22 yoshli yaponiyalik "Bolonya"dan 18 million evrolik transferdan keyin birinchi oyini klubda o'tkazgan edi.

Malum bo'lishicha, ovoz berish jarayonida Tomiyasu 51% natija bilan birinchi o'rinni egalladi. Ikkinchi o'rinda-Aaron Ramsdeyl olgan bo'lsa, kuchli uchlikni Emil Smit-Rou yakunlab berdi.

Eslatib o'tamiz, Sentyabr oyida Tomiyasu Premer-ligada to'rtta o'yin o'tkazdi, barcha o'yinlarda u jamoasining asosiy tarkibida maydonga tushdi.