"Latsio" etakchilari bilan kelishib oldi

"Latsio" etakchilari Chiro Immobile va Franchesko Acherbi klub bilan uzoq muddatli yangi shartnomalar imzolash arafasida, deya xabar bermoqda CalcioMercato nashri.

Unga ko'ra, Immobile shartnomasi 2026 yilning yozigacha, Acherbi esa kamida 2025 yilgacha rimliklar safida qolishi kerak.

Ma'lum qilinishicha, yaqin vaqt ichida futbolchilar bilan shartnomalarning rasmiy ravishda uzaytirilishi e'lon qilinadi.

Acherbining maoshi bonuslarni hisobga olmaganda, yiliga 2 million evroni tashkil qiladi. Immobile esa undan ikki baravar ko'p daromad oladi.