Noyer safdan chiqdi

«Bavariya» va Germaniya terma jamoasi darvozaboni Manuel Noyer jarohat olib safdan chiqdi, deb xabar beradi Bild.

Manbaning yozishicha, 35 yoshli futbolchiga oyoq mushakning shikastlanishi tashxisi qo'yilgan.

Ushbu jarohat tufayli nemis darvozaboni bugun JCh-2022 saralashida Ruminiya bilan o'yinda maydonga tushmaydi.

«Barselona» darvozaboni Mark-Andre ter Shtegen Bundestimning asosiy tarkibida Noyerning o'rnini egallashi kutilmoqda.