Diyorbek Ermatov og'ir atletika bo'yicha JChda oltin medalni qo'lga kiritdi

Avval xabar berganimizdek, ayni damda Saudiya Arabistonining Jidda shahrida og'ir atletika bo'yicha o'smirlar o'rtasidagi Jahon chempionati bo'lib o'tmoqda. Bugun, 8 oktyabr kuni yigitlar o'rtasida -73 kg vazn toifasi ishtirokchilari dast ko'tarish mashqini yakunlashdi.

Unda O'zbekiston terma jamoasi vakili Diyorbek Ermatov dastlab 124, keyin 127 kg og'irlikni, uchinchi urinishda esa 132 kg toshni o'ziga bo'ysundira oldi. Natijada, Diyorbek dast ko'tarish mashqida birinchi o'rinni egalladi.

Shuningdek, kuchli uchlikdan rossiyalik Vagin Nikita (130 kg) hamda Gruziya vakili Nikoloz Esartia (128 kg) ham joy oldi. Birozdan so'ng siltab ko'tarish mashqlariga ham start beriladi.