«Nyukasl»ning yangi direktori: «Va'da beraman biz APL chempioni bo'lamiz»

Angliyaning «Nyukasl» klubi yangi direktori Amanda Steyvli klubning juda katta rejalari borligini ta'kidladi.

«Jamoa Premer-liganing eng yuqori pog'onasida bo'lishi kerak. Vaqt kerak, lekin men va'da beraman, biz jadvalda birinchi o'rinni egallab, APL chempioniga aylanamiz. Angliyada juda jiddiy raqobat bor, lekin bu bizni qo'rqitmaydi. Bu mamlakat dunyoning eng yaxshi futboliga ega va «Nyukasl» - dunyoning eng yaxshi jamoasi.

Klub sovrinlarni qo'lga kiritishga harakat qiladi. Biz Premer-ligada oltin medal olishimiz va Evropa maydonlarida ham muvaffaqiyat qozonishimiz kerak.

Bizda ajoyib jamoa bor. Eng yaxshi tarkibni shakllantirishimiz kerak. Men murabbiy bilan uchrashdim. Biz yangi murabbiyni qidirmagunimizcha, u jamoada qoladi»,- deya iqtibos keltiradi Steyvli Sky Sports nashriga bergan intervyusida.