«Temmi, quyoshdan zavqlanishni xohlaysizmi yoki yomg'irda qolishni?» - Mourino

O'tgan yozda Temmi Abraham «Chelsi»dan Rimning «Roma» klubiga o'tdi. Bu transferda rimliklar bosh murabbiyi Joze Mourino muhim rol o'ynadi. Abraham portugaliyalik mutaxassisning birinchi qo'ng'irog'i haqida The Guardian nashriga aytib berdi.

«Mourino menga: «Quyoshdan zavqlanishni xohlaysizmi yoki yomg'irda qolishni xohlaysizmi?» - deb aytdi», deydi Abraham.

Ma'lumki, Angliyada Italiyadan farqli o'laroq, quyosh kamdan-kam hollarda chiqadi.

«Men uchun eng oson variant - «Chelsi»da qolish va zaxirada o'tirish. Lekin, men ketishim va o'zimni isbotlashim kerakligini tushundim. Albatta, men asabiylashdim, chunki mamlakatni o'zgartirish jasoratni talab qiladi. Ammo, men ingliz yosh futbolchilariga ketishdan qo'rqmaslikni maslahat berardim», - dedi rimliklar hujumchisi.