«Milan» «Real» futbolchisini sotib olmoqchi

«Milan» rahbariyati hozirda jamoada ijarada o'ynayotgan hujumchi Braim Diasni to'la-to'kis transferini rejalashtirmoqdalar. Futbolchining shartnoma huquqi «Real»ga tegishli.

Corrierre dello Sport nashri xabariga ko'ra, «rossonerilar» futbolchini sotib olish bandini faollashtirmoqchi, ammo buning uchun ispan tomonining roziligi talab qilinadi.

Italiya chempionatining joriy mavsumida 22 yoshli futbolchi etti uchrashuvda qatnashib, uchta gol va bitta golli uzatmani amalga oshirdi.

7-tur natijalariga ko'ra, «Milan» A Seriya turnir jadvalida ikkinchi o'rinda bormoqda.