Lineker: "Messi bor ekan, futbol tarixidagi eng kuchli futbolchi kim degan savol mavjud emas"

Angliyalik Gari Lineker Messi va Ronaldu haqida fikr bildirdi.

«Men angliyalikman, lekin Maradona va Messini eng yaxshilar deb bilaman. Chunki ular bizga futbol bilan bog'liq juda ajoyib lahzalarni taqdim etishgan. Ha, boshqa buyuk futbolchilar ham bor: Ronaldo, Ronaldu va boshqalar. Lekin men ularni kuchli to'purarlar sifatida bilaman.

Lekin Diego va Leo o'yin mobaynida faqat gol urish, raqib darvozasini ishg'ol etish bilan shug'ullanishmaydi. Ular xuddi boshqa bir sport turi bilan shug'ullanayotganga o'xshashadi. Menga o'xshagan boshqa futbolchilar ular amalga oshirgan ishlarni butun faoliyatimiz davomida ham qila olmaymiz.

Men Krishtianuni juda yaxshi ko'raman, u bilan yaxshi aloqalarimiz bor. U ham futboldagi buyuklardan biri. Lekin mening fikrimcha, Messi bor ekan, futbol tarixidagi eng kuchli futbolchi kim degan savol mavjud emas. O'z navbatida, ularni solishtirishni yoqtirmayman, ikkisi ham afsonaviy futbolchilar», deydi Lineker.