«Napoli» a'zosi Italiyada sentyabr oyining eng yaxshi futbolchisi bo'ldi

«Napoli» forvardi Viktor Osimxen sentyabr oyi yakunlariga ko'ra, Italiya A Seriyasining eng yaxshi futbolchisi deb topildi.

22 yoshli nigeriyalik forvard ushbu sovrinni Italiya futbolchilari assotsiatsiyasidan qabul qilib oldi. O'tgan oyda Osimxen A Seriyadagi 4 o'yinda 4ta golga mualliflik qildi.

«Napoli» turnir jadvalida 7-turdan keyin 21 ochko bilan peshqadamlik qilmoqda. Klub kuchli beshlik chempionatlarida ochko yo'qotmagan yagona jamoa bo'lib turibdi.