"Latsio" darvozaboni bilan kelishuvni uzaytirmoqchi

"Latsio" darvozabon Tomas Strakosha bilan shartnomani uzaytirish bo'yicha muzokaralarni boshladi, deya xabar beradi jurnalist Nikolo Skira.

Manbaning xabariga ko'ra, Rim klubi 26 yoshli albaniyalik futbolchi bilan shartnomani uzaytirish borasida vakillari bilan bog'langan.

Eslatib o'tamiz, Strakosha "burgutlar" safida 2012 yilning yozidan buyon harakat qilib kelmoqda. 2021/22 yilgi mavsumda futbolchi jamoa safida 2 o'yin o'tkazdi va 1ta gol o'tkazib yubordi. Darvozabon bilan amaldagi shartnoma 2022 yilning iyunigacha amal qiladi.

Manba: Sport-Express.ru