Isko "Milan"ga o'tishga rozi bo'ldi

"Real Madrid" yarim himoyachisi Isko faoliyatini Italiyada davom ettirishi mumkin. 29 yoshli ispaniyalik futbolchi "Milan"ga o'tishga qaror qildi. Yarim himoyachi allaqachon transferga rozilik bergan, deb xabar beradi TodoFichajes nashri.

Italiya klubi futbolchi bilan muzokaralarda deyarli kelishuvga erishdi va yanvarda madridliklar bilan kelishuvni yopish ustida ishlamoqda.

O'tgan mavsumda Isko "qirollik" klubi safida 29 o'yinda maydonga tushib, 2ta golli uzatmani amalga oshirgan. Transfermarkt portali futbolchining qiymatini 18 million evroga baholamoqda.