Oyyarsabal Italiya bilan o'yin haqida fikr bildirdi

Ispaniya terma jamoasi hujumchisi Mikel Oyyarsabal Millatlar Ligasi yarim finalida Italiyani mag'lub etganidan so'ng (2:1), uning jamoasi finalga chiqishga haqli ekanini aytib o'tdi.

"Ha, biz xursandmiz. O'yin oxirida ancha ter to'kishimizga to'g'ri keldi. Biz yaxshi o'ynadik va g'alaba qozonishga haqli edik. Endi yo'l qo'ygan xatolarimizni ko'zdan kechirib, ularni bartaraf etish ustida ishlashimiz kerak", - dedi Oyyarsabal UEFA matbuot hizmatiga.

Eslatib o'tamiz, finalda Ispaniya Belgiya - Frantsiya juftligi g'olibi bilan o'ynaydi.

Manba: UEFA.COM