Mbappe Frantsiya terma o'ynaganligi uchun 1,5 million evro olgan

Frantsiya terma jamoasida debyut qilganidan beri Kilian Mbappe ish haqi uchun taxminan 1,5 million evro olgan. «PSJ» hujumchisi bu mablag'larning barchasini xayriya ishlariga sarfladi. Bu haqda L’Equipe nashri xabar bermoqda.

Kilian Mbappe Frantsiya terma jamoasida birinchi marta 2017 yilning bahorida o'ynagan. O'n olti oy ichida milliy terma jamoa bilan birgalikda iqtidorli hujumchi jahon chempioni bo'ldi. Rossiyada bo'lib o'tgan JCh-2018 finalida frantsuzlar xorvatlar ustidan g'alaba qozonishdi.

Umumiy hisobda Kilian Mbappe Frantsiya terma jamoasi safida 49 ta o'yin o'tkazgan. Ularda hujumchi 17 ta gol urdi va 16 ta golli uzatmani sheriklariga berdi.