Isko faoliyatini «Milan»da davom ettiradi

«Real» yarimhimoyachisi Isko faoliyatini «Milan»da davom ettirishga rozi bo'ldi. Ispaniyalik futbolchi o'z faoliyatida yangi sahifa ochmoqchi. Shuningdek, zaxirada o'tirmaslik uchun ko'proq vaqt o'ynashni xohlaydi.

Todofichajes nashrining xabar berishicha, yarimhimoyachining transferi yanvar oyida amalga oshishi mumkin. Manbaga ko'ra, «rossonerilar» Iskoni tekinga oladi, lekin futbolchi maoshini to'liq to'lashi kerak.

«Milan» A Seriyada 19 ochko bilan ikkinchi o'rinda bormoqda.