«Sautgempton» «Real» qiziqish bildirgan futbolchini sotib olmoqchi

Goal nashri xabariga ko'ra, «Fulxem» yarimhimoyachisi Fabio Karvalyu «Sautgempton» klubi nishoniga aylangan. 19 yoshli futbolchi yangi klubiga taxminan 250 ming evroga tushadi.

Ammo, «qizil-oqlar», agar ular Karvalyuni qo'lga kiritmoqchi bo'lsalar, shoshilishlari kerak. Gap shundaki, Fabioning klubi shartnomasi 2022 yilning yozida tugaydi va unga Madridning «Real» klubi ham qiziqish bildirmoqda.

«Fulxem» joriy mavsumda 20 ochko jamg'ardi va chempionat jadvalida beshinchi o'rinda bormoqda.