«Fiorentina» Vlahovichga narx belgiladi

«Fiorentina» hujumchi Dushan Vlahovichni 90 million evroga qo'yib yuborishga tayyor, deb xabar beradi La Gazzetta dello Sport nashri.

Manba bergan xabarga ko'ra, 21 yoshli serbiyalik futbolchiga «Manchester Siti», «Tottenxem», «Inter» va «Yuvenutus» qiziqish bildirmoqda.

Kecha, 5 oktyabr kuni Florentsiya jamoasi prezidenti Rokko Kommisso futbolchi Italiya klubi bilan shartnomani uzaytirishdan bosh tortganini ma'lum qildi.

Vlahovichning «Fiorentina» bilan amaldagi shartnomasi 2023 yilda tugaydi. Avvalroq, klub prezidenti Rokko Kommiso hujumchini sotib olish bo'yicha barcha takliflarni, shu jumladan avgust oyida «Atletiko»dan 70 million evroni rad etgan edi.