«Barselona» Rahim Sterlingni ijaraga olmoqchi

Ispan OAV ingliz vinger Rahim Sterlingning «Manchester Siti»dan Kataloniyaning «Barselona» klubiga o'tishi mumkinligi haqidagi mish-mishlarni faol tarzda tarqamoqda.

Sport.es nashrining jurnalistlari xabar berishicha, klublar futbolchining ijaraga o'tishini muhokama qilmoqda. Shartnoma yanvar oyida yakunlanishi mumkin.

Sterlingning o'ziga kelsak, futbolchi «Kamp Nou»ga o'tishga qarshi emas. Qanot hujumchisi klubini o'zgartirmoqchi, chunki u «shaharliklar»ning asosiy tarkibida o'yinchi emas.

Rahim joriy mavsum ettita uchrashuvda ishtirok etib, bitta gol urdi. Uning «Siti» bilan shartnomasi 2023 yilning yoziga qadar tuzilgan va uning transfer narxi 90 million evroni tashkil qiladi.