Roberto Martines: "Kurtua dunyoning eng yaxshi darvozabonlar uchligida"

Belgiya terma jamoasi bosh murabbiyi Roberto Martines "Real" darvozaboni Tibo Kurtuani o'z pozitsiyasida dunyoning eng yaxshilaridan biri deb atadi.

"Men uning oyog'i bilan o'ynay olmaydi, degan fikrga qo'shilmayman. Kurtuaning baland bo'yi borligi uning erdan uzatmalarda o'ynay olmaydi degani emas. U o'yinni yaxshi tushunadi va bo'sh hududni yaxshi ko'ra oladi.

JCh-2018da u eng yaxshi darvozabon edi va hozirda doimiy ravishda dunyoning eng zo'r 3 posboni orasida. Uning yoshini hisobga olsak, oldinda hali yana ko'p mavsum yuqori darajada o'ynay oladi. Tibo buyuk bo'lishga intilmoqda", - dedi Belgiya terma jamoasi ustozi.