«Barselona» 17 yoshli futbolchisining tovon pulini 500 million evroga oshirmoqchi

«Barselona» tez orada 17 yoshli yarimhimoyachisi Gavi bilan yangi shartnoma imzolaydi, deb xabar beradi AS.

Manbaga ko'ra, «ko'k-anorranglilar» rahbariyati yaqin orada futbolchining vakili Ivan de la Penya bilan uchrashuv o'tkazib, amaldagi shartnomani uzaytirish borasida kelishmoqchi.

Klub Gaviga futbolchining tovon puli 500 million evroga oshirilgan holda yaxshilangan shartnoma taklif qilmoqchi. «Barselona» yosh ispaniyalik bilan shartnomasini 2026 yilgacha uzaytirmoqchi.

Gavi «Barselona» tarbiyalanuvchisi. Yarimhimoyachi bilan amaldagi kelishuv 2023 yilning iyunida yakuniga etadi.

Yarimhimoyachi joriy mavsum «Barselona» asosiy jamoasida debyutini o'tkazdi. Barcha turnirlarda Gavi 6 ta jang o'tkazib, bitta golli uzatmani amalga oshirgan.