«Barselona» qishda o'z futbolchisini sotib yubormoqchi

«Barselona» qishki transfer oynasida himoyachi Samuel Yumtiti bilan xayrlashmoqchi, deb xabar beradi Sport.es nashri.

27 yoshli frantsuz futbolchisi joriy mavsum rasmiy o'yinlarda bir daqiqa ham o'ynamadi va u klubningrejalariga kiritilmagan.

«Barsa» Samuelni yozda ketishini xohlardi, ammo futbolchi barcha takliflarni rad etdi.

«Ko'k-anorranglilar» xo'jayinlari futbolchilarning maoshi xarajatlarini qisqartirish niyatida, shuning uchun ular o'yinchidan qutulishga harakat qilishadi. Biroq, futbolchining o'zi qarorini qayta ko'rib chiqishi va ketishga rozi bo'lishi mumkin. Ma'lum bo'lishicha, frantsuzga Evropaning  bir qancha klublari hamon qiziqish bildirmoqda.