Mutaxassis: «Ronalduning «MYu»ga kelishi boshqa o'yinchilarga salbiy ta'sir ko'rsatdi»

Niderlandiya milliy jamoasi sobiq himoyachisi Danni Blind hujumchi Krishtianu Ronalduning "Manchester Yunayted" o'yiniga ta'siri borasida o'z fikrini bildirdi. "MYu" sobiq yarim himoyachisi Deyli Blind otasining fikricha, portugaliyalik futbolchi jamoa harakatlariga salbiy ta'sir ko'rsatmoqda.

"Ronaldu jamoada faol rol o'ynamasligi kerak. Uning kelishi bilan boshqa o'yinchilar qanday harakat qilish kerakligini bilmay qolishyapti. Odatda hujumchilar bir markaziy himoyachidan boshqasi tomon yugurishadi. Ammo Ronaldu bilan jamoa boshqacha o'ynashni boshladi. Klubning jamoaviy harakatlarida muammolar boshlandi.

"Manchester Yunayted" o'zi o'rgangan uslubda o'ynamayapti. Avvallari "MYu" yo'qotishi bilan darhol kontrpressingga kirishardi. Hozir esa bu ishlamayapti, axir Ronaldu pressingda ishtirok etmayapti. U faqat gollar haqida o'ylayapti, to'pni esa boshqalar olib qo'yishi kerak", — dedi Blind.