"Parijga o'ynash uchun keldim"

"PSJ" darvozaboni Janluiji Donnarumma frantsuz klubidagi o'rni haqida gapirdi.

"Klubda amaliyot yo'qligi tufayli terma jamoadagi o'rnini yo'qotish xavfi bormi? Muammo yo'q. Men Parijga o'ynash uchun keldim. Lekin hozircha biroz ishlarim yaxshi emas. Ishonchim komilki, tez orada hammasi yaxshi bo'ladi. Terma jamoa bilan hech qanday muammo yo'q", - deya Donnarumma so'zlaridan iqtibos keltirdi "Football Italia" nashri.

22 yoshli Donnarumma yozgi transferlar vaqtida "PSJ"ga erkin agent sifatida o'tdi. Frantsiya chempionatining joriy mavsumida darvozabon 3ta uchrashuvda qatnashdi va shuncha gol o'tkazib yubordi.