Van de Bek haqida ba'zi xabarlar ochiqlandi

«Everton» sport direktori Daniel Brands Donni van de Bekga qiziqishini tasdiqladi. Yozda klublar muzokara olib borgani ham sir emas. «Everton» yanvar oyida « qizil iblislar» futbolchisini sotib olishga yana bir bor urib ko'radi.

«Ha, u bizning «short-list»imizdan joy olgan edi. Biz «MYu»ga taklif jo'natdik, lekin buni amalga oshirishni imkoni bo'lmadi. Yoz oxirida uning agenti Gvido Albers menga qo'ng'iroq qilib, Donnini ijaraga taklif qildi. Oxirgi paytda klub uni ham bekor qildi.

Yanvar oyida nima bo'lishi haqida gapirish qiyin, lekin biz ushbu xaridni amalga oshirishga harakat qilamiz. Unda asosiy tarkib bilan bog'liq muammolar bo'lishi mumkin. Biz vaziyatga qarashimiz kerak», - dedi «Everton» direktori  NOS nashriga.

Eslatib o'tamiz, futbolchi joriy mavsum «MYu» safida barcha turnirlarda 141 daqiqa maydonda o'tkazdi.